الرئيس السيسي: الدولار كان وما زال تحديا.. وتجاوز المشكلة عبر زيادة الإنتاج

قال الرئيس عبدالفتاح السيسي، إن الدولار كان وما زال يمثل تحديا، معلقا بالقول: "كان عندنا تحدى الدولار ومال زال.. قلتلهم لازم تعملوا اذا كنتم عاوزين تتجاوزوا مشكلة الدولار فى مصر لازم تخلوا المنتج المحلي ضخم جدا، علشان يغطي المطلب بتاع البلد، ولو فيه فرصة تصدر بره تصدر أى إنتاج زراعي وصناعي".

عن إنشاء الصوامع، أضاف الرئيس السيسى خلال افتتاح المرحلة الأولى من موسم الحصاد بمشروع مستقبل للتنمية المستدامة: "قلتلهم مقدرش اعمل صوامع الا بالجنيه المصرى لو فيه شركة تزود المكون المحلى وتقدر تخلى الصوامع بالجنيه انا مستعد اتعاقد.. قالوا ايوه..اتكلمنا في 500 الف طن خدوهم بالمصري وعملوا مكون محلى زودوه علشان ما يبجيبوش حاجة من بره يبقى كده أنا استفدت لما ادخل الخدمة نص مليون طن خلال سنة وشهرين ده مش قليل، ولو انا محتاج اكتر مستعد اعمل تاني علشان يبقا كل إنتاجنا من المحاصيل المختلفة الذرة والقمح والأرز يبقا ليه مناطق تخزين محترمة".